Këngëtari i famshëm: Talleshin me mua, qaja çdo ditë

Bullizmi është një ndër fenomenët negativë më të përhapur në shoqërinë tonë. Pre e tij kanë rënë dhe plot personazhë të njohur në adoleshencë,dhe vite më vonë e tregojnë hapur në mënyrë që njerëzit të ndërgjegjësohen sado pak.

Ed Sheeran është një prej tyre.Këngëtari i njohur ka treguar se tallej çdo ditë në shkollë nga shokët, për shkak se kishte flokë “ginger”, syze dhe i mbahej goja.

“E urreja me gjithë zemër shkollën fillore, qaja çdo ditë. Kam flokë të kuq prandaj që ditën që fillova shkollën menjëherë “u sulmova”- me flokë të kuq, më mbahej goja dhe kisha syze gjigande… thjesht pak i çuditshëm.Por kur u rrita pak a shumë fillova ta dashurojë këtë, gjithnjë jam dukur pak i çuditshëm. Nuk kam pasur asnjëherë fat me vajzat apo gjëra të atilla, gjithnjë isha “unë dukem pak i çuditshëm.”- ka treguar Ed në një intervistë me DJ Nihal dhe reperin Dave.

Përveç talljes nga shokët, ai gjithnjë është ndjerë keq në shkollë sepse nuk mund të luante sporte dhe nuk e kishte kuptuar talentin e tij në muzikë.

“Shkova në gjimnaz, fillova të luaj në kitarë dhe u bëra pjesë e një grupi. Muzika është një ndër to gjëra që të japin vetëbesim. Papritmas mendon “ëoë, unë mund të bëj diçka mirë.” Përpara se të nisja kitarën, nuk bëja asgjë. Kam qenë në një shkollë fillore që ishte pak sportive dhe unë nuk mundesha të luaja sport. Ashtu ishe “cool”- nëse ishe i mirë në futboll ishe “cool” dhe unë nuk isha. Pastaj në gjimnaz ishte një vend ku shkriheshin të gjitha gjërat e ndryshme dhe fillova të luaja në kitarë dhe papritmas u përshtata.”

Dhe nga ky rrëfim i Ed kuptojmë dy gjëra:

Na tregohet dhe njëherë që të edukojmë veten dhe fëmijët që mos të shpërndajmë energji negative dhe mos të jemi shkaktarët e bullizmit
Të gjithë e kanë talentin e tyre dhe diçka në të cilën shkëlqejnë. Prandaj kaloni kohë me veten, eksploroni në fusha të ndryshme dhe gjeni çelësin e lumturisë