Këngëtarja e K-pop-it shokon fansat me video intime me qenin e saj

Ylli i K-POP-it Kim Chaewon është gjendur në qendër të vëmendjes pasi ndau video që tregonin momente mjaft intime me qenin e saj.

Kim Chaewon, udhëheqësja e grupit të njohur korean të vajzave Le Sserafim, u bë e famshme shtatë vjet më parë pasi mori pjesë në shoun e realitetit Produce 48. Përpara se t’i bashkohej Le Sserafim, 25-vjeçarja ishte anëtare e grupit Iz*One.

Këngëtarja, e cila ka mbi nëntë milionë ndjekës në Instagram, i ngatërroi fansat me një video që u bë virale, në të cilën ajo duket duke “puthur gjuhën” qenin e saj.

Videoja tregon këngëtaren të shtrirë në një shtrat dhe dysheme ndërsa kafsha e saj shtëpiake Shiro i lëpin me entuziazëm fytyrën dhe gojën.

Videoja ka shkaktuar një ortek komentesh negative. “Ajo video e Chaewon dhe qenit të saj është e neveritshme dhe jo, njerëzit nuk po e ekzagjerojnë!” shkroi një person.

“Ajo e la qenin të lëpinte pjesën e brendshme të gojës së saj, në një moment gjuhët e tyre u prekën, për plot 20 sekonda. Kjo është një seancë e tërë puthjesh qensh, nuk do të më bindni se kjo nuk është e çuditshme dhe e neveritshme.”

Ekspertët paralajmërojnë se puthja e një qeni në gojë mund të jetë e rrezikshme për shkak të transmetimit të një numri bakteresh, si Pasteurella dhe Capnocytophaga. Pasteurella mund të shkaktojë infeksione të shpejta, ndërsa Capnocytophaga shkakton sepsë të rëndë në raste të rralla.