Kërcënoi ambasadorin Qëndrim Gashi, policia kap të dyshuarin

Policia e Kosovës ka arrestuar një person të dyshuar për kërcënimin që ja ka bërë përmes rrjeteve sociale, Ambasadorit të Kosovës në Francë, Qëndrim Gashi.

“Sot, me datë 20 tetor 2020, Policia e Kosovës ka ndërmarrë një operacion, që ka rezultuar me arrestimin e një personi, si i dyshuar për veprën penale sipas kapitullit XIV, të veprave penale kundër rendit kushtetues të RKS-së. Të gjitha veprimet e mëtejshme do të ndërmerren në koordinim me organet e drejtësisë”, thuhet në përgjigjen e PK-së për IndeksOnline

Gashi u kërcënua nga i dyshuari pasi në llogarinë e tij në Twiter kishte shpërndarë një lajm ku shihet karikatura e profetit Muahemed./IndeksOnline/