Kërkimshpëtimi në Ujman nga FSK-ja, Rama: S’është mirë të politizohet për fushata

Ish-gjenerali, Rrahman Rama ka deklaruar se çështja e mbytjes së 33- vjecarit në Ujman, ku po merr pjesë edhe FSK-ja s’duhet të politizohet.

Ai tha se nuk është hera e parë që FSK-ja ka shkuar në veri të vendit.

“Kjo çështje nuk duhet të politizohet. Nuk është hera e parë që FSK-ja ka shku në pjesën veriore. Kemi shku, më 2014, 2016, 2019. Ju kujtohet rasti kur në korrik të 2014-s ka qenë një aksident mes dy barkave dhe kemi shku dhe kemi bërë kërkimshpëtimin në liqenin e Ujmanit”, ka deklaruar ai në T7.