Këshilla që ndihmojnë nëse keni problem me refluksin e esofagut
Valvula e esofagut, e cila e ndan atë nga stomaku, mund të mos arrijë kontraktimin e duhur edhe për shkaqe të ndryshme nga ushqimi. Për këtë arsye duhet të ndërmerren edhe këto masa krahas ushqimit të përshtatshëm:
- Ndërprisni duhanpirjen, nikotina e çliron muskulin e valvules së esofagut.
- Evitoni çamçakizat, karamelet.
- Mos u shtrini menjëherë pas ushqimit. Evitoni konsumin e vakteve vonë në darkë.
- Evitoni shtrengimin e rrobave apo rripit në zonën e mesit.
- Konsumoni vakte të shpeshta dhe të vogla.
- Nëse jeni mbipeshë duhet të hiqni peshën e tepërt.
- Flini me gjysmën e sipërme të trupit pak të ngritur me jastak
- Evitoni konsumin e ushqimeve të mëposhtme që nxisin refluksin:
- ushqime të skuqura dhe shumë të yndyrshme
- menten
- qumështin e yndyrshëm
- vajrat
- çokollatën
- ushqimet me krem qumështi apo krem pastiçerie
- ushqimet e gatshme të tipit “fast food”
9. Ushqimet e mëposhtme predispozojnë acarimin e mukozës së esofagut dhe duhen evituar:
- agrumet, domatet
- kafja
- pijet me kafeinë dhe të gazuara
- çaji
10. Ushqimet pikante dhe erëzat gjithashtu mund të shkaktojnë acarim.
Si të zgjidhni ndër grupet e ushqimeve
- Bulmeti: konsumoni vetëm qumësht dhe kos me yndyrë të reduktuar.
- Perimet: evitoni domatet dhe të skuqurat.
- Fruta: konsumoni mollë, pjeper, shalqi, banana, pjeshkë, dardhë, mana. Evitoni agrumet, ananasin.
- Bukë & drithëra: lejohen në përgjithësi të gjitha, përveç atyre që gatuhen me shumë yndyrë ose shumë erëza.
- Mish & nënprodukte: mishi pa dhjam, gjoksi i pulës, pula e detit, peshku janë të pranueshme. Evitoni dhjamin, mishin me dhjam, sallamet, panceten.
- Yndyrna: vetëm vaj ulliri cilësor, gjalpë i freskët, gjalpë kokosi, në sasi minimale.
- Ëmbëlsira: konsumoni ëmbëlsira të gatuara me shumë pak yndyrë dhe sasi të moderuar sheqeri. Evitoni çokollatën.
- Pije: lejohen pijet dhe çajrat pa kafeinë, pa mente. Të evitohen lëngjët e agrumeve, pijet me kafeinë.
- Supat: të preferohen supat e bëra me pak yndyrë. Të evitohen supat e gatshme dhe ato me krem qumështi apo djath të yndyrshëm.