Këshilltari i Pacollit: Irinej vizitoi Assadin, i cili ka duart plotë gjak nga krimet e bëra!

Sot, patriarku i Kishës Ortodokse Serbe, Irinej ka zhvilluar një vizitë në Siri ku dhe është takuar me të parin e këtij shteti, Bashar Al Assad.

Lidhur me këtë takim ka reaguar Jetlir Zyberaj, këshilltari i ministrit Behgjet Pacolli, shkruan Indeksonline.

Shkrimi i tij i plotë në Facebook:

 Ja pamja e shpirtit të udhëheqësisë së shtetit serb!

Sot, Patriarku i Kishës Ortodokse Serbe Irinej, vizitoi Sirinë dhe krye kriminelin e saj Bashar Al Assad, i cili ka duart plot gjak nga krimet e tij të luftës. 
E njëjta Kishë serbe është qe bekoi krimet e Millosheviçit, Karaxhiç dhe Mlladiç në Kosovë, Kroaci dhe Bosnjë dhe e njejta Kishë serbe që e ka mbajtur të burgosur shoqërinë serbe në një botë paralele. 
Kisha ortodokse serbe, që udhëhiqet nga frymëzues të ksenofobisë, shfaqi përsëri fytyrën e saj të vërtetë, qe jep mbështetje për kriminelët e luftës dhe nuk ka të bëjë fare me fenë. 
Kjo Kishë e cila vetem institucion fetar nuk është, duhet të kërkojë falje tek Kosova, Kroacia dhe Bosnja qe të çlirohet dhe pastrohet nga mekatet e saj historike. 
Tani për tani, e ka mision vetëm spiritualitetin e kriminelëve të luftës.