Këshilltarja e presidentit serb tregon për gjendjen shëndetësore të Vuçiq: Kaloi dy ditë në aparate

Gjendja mjekësore e presidentit serb Aleksandar Vuçiq është e qëndrueshme dhe është lëshuar në shtëpi pas trajtimit në Akademinë Mjekësore Ushtarake (MMA).

Vuçiq më parë ka njoftuar se sot do të rikthehet në punë.

Ai u shtrua në këtë spital të premten për probleme kardio-vaskulare.

Suzana Vasiljeviq, këshilltarja për media e presidentit serb tha mbrëmë se Aleksandar Vuçiq kaloi dy ditë në aparate, por që sot është pak më mirë.

“Ai ishte aq keq sa kërkoi vetë që të dërgohej në spital”, tha Vasiljeviq për televizionin Pink, duke shtuar se ajo shpresonte që Vuçiq të fillonte të dëgjonte mjekët pak më shumë dhe të merrte terapi.

“Ne po vraponim nëpër botën e bardhë në kushtet më të këqija, por ai vetë e kuptoi në këtë rast se diçka nuk ishte në rregull. Këtë mëngjes, mësuam rezultatet e analizave, dhe ai kaloi dy ditë në pajisje “, tha ajo.

Vasiljeviq gjithashtu iu referua disa komenteve mbi shëndetin e Vuçiqit.

“Nuk e di se çfarë ndodhi që e bëri këtë shoqëri kaq të mërzitur. Shumica e publikut ishin vërtet të shqetësuar, Presidenti mori një numër të madh të mesazheve nga përfaqësuesit botërorë, Macronit, Dodiku, Kryeministri i Shqipërisë, Borut Pahor. Shpresoj që ai të ketë shikuar më shumë atë pjesë të Serbisë që ishte vërtet e shqetësuar”, shtoi ajo.