Këtë javë mot me diell, i shoqëruar nga vranësirat

Instituti Hidrometeorologjik i Kosovës ka njoftuar se gjatë pesë ditëve do të ketë mot me diell dhe herë pas here me vranësira të shpërndara.

Sipas institutit, vranësirat vende-vende kanë mundësi të shoqërohen me reshje shiu të intensitetit të dobët, kryesisht ditën e martë dhe të premten.

“Temperaturat minimale do të lëvizin ndërmjet 11-13 gradë Celsius, ndërsa maksimalet e ditës parashihen të lëvizin ndërmjet 23-28 gradë Celsius. Në fushat barike nuk do të ketë lëvizje të theksuara, duke bërë që edhe kushtet biometeorologjike të jenë të favorshme. Do të fryjë erë nga verilindja dhe veriperëndimi me shpejtësi 1-8m/s”, thuhet në njoftim.