Këto janë ligat që kanë shpenzuar më së shumti në afatin kalimtar veror
Afati kalimtar veror i transferimeve u mbyll të enjten me shumë të papritura dhe vendosje të rekordeve të reja, sa i përket shpenzimeve.
Blerja e Antonyt nga Manchester United për 95 milionë euro ndihmoi në vendosjen e një rekordi të ri të shpenzimeve në Premier League prej rreth 2.1 miliardë euro – duke thyer rekordin e mëparshëm prej 1.6 miliardë euro në 2017 – dhe duke zbehur pjesën tjetër të Evropës.
Nëntë nga 20 klubet e Premier Leagues shpenzuan më shumë se 100 milionë funte ndërsa shpenzimet u rikthyen pas dy sezoneve të rënies së ndikuar nga COVID-19.
Rekorde të tjera:
Klubet e Premierligës shpenzuan më shumë se La Liga e Spanjës, Seria A e Italisë dhe Bundesliga gjermane së bashku
Chelsea shpenzoi më shumë në një afat kalimtar se çdo klub tjetër në historinë e Premier League
Manchester United thyeu rekordin e tyre të shpenzimeve verore
Nottingham Forest ka nënshkruar më shumë lojtarë në një verë se çdo klub tjetër britanik në histori
Shpenzimet e kombinuara të 20 klubeve, e cila ishte e hapur nga 10 qershori deri më 1 shtator, ishte 67% më e lartë se totali i verës së mëparshme prej 1.2 miliardë euro.
14 nga 20 klubet e Premierligës bënë të paktën një nënshkrim në ditën e fundit.
Transferimet e ditës së fundit në Premier League
Manchester City e përforcoi mbrojtjen e tyre me nënshkrimin e zviceranit Manuel Akanji nga Borussia Dortmund në një marrëveshje pesëvjeçare.
Përveç nënshkrimit të Antony-t, Manchester United përfundoi një marrëveshje huazimi një sezon me portierin e Newcastle, Martin Dubravka.
Everton nënshkroi disa mesfushorë, me ndërkombëtarin senegal Idrissa Gueye që u ribashkua me Toffees nga Paris St-Germain dhe James Garner u zhvendos nga Manchester United.
Liverpool gjithashtu shtoi një mesfushor në skuadrën e tyre, me brazilianin Arthur Melo që iu bashkua në një huazim një sezon nga Juventusi.
Leicester nënshkroi qendërmbrojtësin belg Wout Faes nga klubi francez Reims në një marrëveshje pesëvjeçare për të zëvendësuar Wesley Fofana, i cili iu bashkua Chelseat për rreth 70 milionë funte të mërkurën.
Nottingham Forest nënshkroi tre lojtarë për t’i bërë 21 fytyrat e reja këtë verë, me mbrojtësin Loic Bade të fundit që arriti – në huazim nga Rennes.
Fulham pati një ditë të ngjeshur, duke sjellë katër lojtarë, përfshirë ish-mesfushorin e Arsenalit dhe Chelseat, Willian.
Chelsea njoftoi dy marrëveshjet e fundit të natës, me Pierre-Emerick Aubameyang që iu bashkua nga Barcelona në një marrëveshje dyvjeçare dhe mesfushori i Zvicrës Denis Zakaria që u bashkua në një huazim një sezon nga Juventus.
