KF LLAPI: Krenar që fitoret, gëzimet dhe sukseset i korrim në stadiumin me emrin e Heroit Zahir Pajaziti

Sot u bën 26 vite nga rënia e heroit llapjan Zahir Pajaziti.

Skuadra futbollistike Llapi, e ka kujtuar heroin Zahir Pajaziti, ku përmes një postimi në Facebook kanë treguar se stadiumi i tyre mban emrin e tij që nga viti 2013.

Postimi i plotë:

Sot bëhen 26 vjet nga rënia e heroit Zahir Pajaziti në altarin e lirisë.

Zahir Pajaziti shte një ndër themeluesit e UÇK-së dhe Hero – dëshmor i luftës së Kosovës. Ai ra heroikisht së bashku me Hakif Zejnullahun dhe Edmond Hoxhën, në një pritë të organizuar nga forcat e armikut, në fshatin Pestovë të Vushtrrisë. 

Zahir Pajaziti ishte një ndër komandantët e parë dhe ndër më të shquarit e Ushtrisë Çlirimtare Kosovës.

Stadiumi i KF Llapi u emërua me emrin e Heroit Zahir Pajaziti në vitin 2013.

Krenar që fitoret, gëzimet dhe sukseset i korrim në stadiumin me emrin e Heroit. /IndeksOnline/