KFOR-i dhe PK-ja me ushtrim të përbashkët për gatishmërinë operacionale

Ushtarët nga Batalioni i Manovrave RC-E të KFOR-it dhe anëtarët e Policisë së Kosovës kryen një shëtitje të Komandës së Incidentit, që lidhet me procedurat dhe metodat e koordinuara që sigurojnë gatishmëri të lartë operacionale dhe një përgjigje efektive për çdo sfidë sigurie.

Sipas KFOR-it, ushtrime të tilla nxjerrin në pah koordinimin dhe bashkëpunimin efektiv midis KFOR-it dhe Policisë së Kosovës, të cilat mbështesin misionin e vazhdueshëm të KFOR-it për të ruajtur një mjedis të sigurt në Kosovë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme.

KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”, thuhet në njoftim.