KFOR-i gjerman vijon patrullimet në lindje

Ushtarët gjermanë, të caktuar në Komandën Rajonale Lindje të misionit të KFOR-it, kryen patrullime të planifikuara në disa komuna brenda zonës së përgjegjësisë së RC-E, duke mbështetur lirinë e lëvizjes dhe sigurinë e komuniteteve lokale.

Në njoftimin e KFOR-it bëhet e ditur se patrullime të tilla sigurojnë një prani të dukshme dhe qetësuese në terren, përmirësojnë ndërgjegjësimin për situatën dhe kontribuojnë drejtpërdrejt në stabilitetin rajonal.

Ato janë një pjesë themelore e misionit të vazhdueshëm të KFOR-it për të ofruar një mjedis të sigurt për të gjitha komunitetet në Kosovë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.

KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë” thuhet në njoftim.