Khelif duhet t’i nënshtrohet kontrollit gjenetik të gjinisë për të marrë pjesë në ngjarjet e ardhshme sportive

World Boxing njoftoi të premten për testimin e detyrueshëm të gjinisë  për të gjithë atletët.

Organi drejtues përmendi posaçërisht Khelifin kur njoftoi për këtë rregull, duke thënë se fituesja algjeriane e medaljes së artë duhet të kontrollohet përpara se të miratohet për të luftuar në çdo ngjarje të ardhshme, përfshirë Kupën e Boksit Eindhoven muajin e ardhshëm në Holandë.

“Futja e testimit të detyrueshëm do të jetë pjesë e një politike të re mbi ‘Gjinin, Moshën dhe Peshën’ për të siguruar sigurinë e të gjithë pjesëmarrësve dhe për të ofruar një fushë loje të barabartë konkurruese për burrat dhe gratë”, shkroi World Boxing në një deklaratë.

Federatat kombëtare të sportistëve do të jenë përgjegjëse për administrimin e testeve dhe për t’i ofruar rezultatet World Boxing-ut.

Khelif fitoi një medalje ari në Lojërat Olimpike të Parisit verën e kaluar mes një shqyrtimi ndërkombëtar mbi të dhe Lin Yu-ting të Tajvanit, një tjetër fituese e medaljes së artë.