Kim Jong Un zgjedh trashëgimtaren e tij

Udhëheqësi i Koresë së Veriut, Kim Jong Un, ka zgjedhur vajzën e tij si trashëgimtare.

Kështu tha agjencia e spiunazhit e Koresë së Jugut, në një njoftim për ligjvënësit.

Pak dihet për Kim Ju Ae, e cila në muajt e fundit është fotografuar përkrah të atit në evente të profilit të lartë, shkruan BBC, transmeton IndeksOnline.

Agjencia Kombëtare e Inteligjencës (NIA) tha se mori në konsideratë një “gamë rrethanash”, përfshirë praninë e saj gjithnjë e më të spikatur publike në ngjarjet zyrtare.

Lajmi vjen në një kohë kur Koreja e Veriut do të mbajë një kongres partie, që është ngjarja më e madhe politike që mbahet një herë në pesë vjet.

Kongresi i partisë është vendi ku Pheniani pritet të japë më shumë detaje rreth prioriteteve si politika e jashtme, planifikimi i luftës dhe ambiciet bërthamore për pesë vitet e ardhshme.

Kim Ju Ae është fëmija i vetëm i Kim Jong Un-it dhe gruas së tij, Ri Sol-Ju.

NIA beson se Kim-i ka një djalë më të madh, por ky djalë nuk është njohur kurrë ose nuk është shfaqur kurrë në mediat e Koresë së Veriut.