Kim Kardashian dhe Kris Jenner padisin Ray Ja-n për shpifje

Kim Kardashian dhe Kris Jenner kanë ngritur një padi për shpifje kundër reperit dhe sipërmarrësit Ray J, ish-të dashurit të Kim Kardashianit.

Padia vjen pasi Ray J deklaroi publikisht se nëna dhe vajza janë nën hetim për shantazh, raporton People, transmeton Indeksonline.

Kjo është hera e parë që Kim dhe Kris kanë paditur dikë për shpifje.

Avokati i tyre, Alex Spiro, konfirmoi padinë të mërkurën, më 1 tetor, dhe në një deklaratë për People, ai theksoi se veprimet e Ray J nuk i lanë ata pa zgjidhje tjetër. “Kris Jenner dhe Kim Kardashian nuk kanë ngritur kurrë më parë një padi për shpifje dhe as nuk janë shpërqendruar nga thashethemet – por kjo akuzë e rreme dhe serioze nuk u la atyre zgjidhje tjetër”, tha Spiro.

Padia citon dy raste specifike në të cilat Ray J dyshohet se shpifi për anëtarët e një familjeje të famshme. E para i referohet komenteve të tij në dokumentarin Shtetet e Bashkuara kundër Sean Combs të prodhuar nga TMZ. “Nëse do të më thoshit se familja Kardashian akuzohej për shantazh, do ta besoja”, tha ai në atë kohë.

Incidenti i dytë ndodhi më 24 shtator, kur Ray J deklaroi në mënyrë të rreme gjatë një transmetimi të drejtpërdrejtë në mediat sociale para “miliona ndjekësve” se një hetim federal ishte duke u zhvilluar kundër familjes Kardashian. Avokati i Spiros i quajti akuzat “sjellja më keqdashëse shpifëse”./Indeksonline/