Kjo është 27-vjeçarja që u gjend pa shenja jete në Zhur të Prizrenit

Një vajzë rreth 27-vjeçare është gjetur pa shenja jete rreth orës 11:00 në fshatin Zhur, ku njoftoi se dyshohet se i njejta ka bërë vetvrasje.

Burimet e Indeksonline kanë mësuar së bëhet fjalë për 27-vjeçaren, Nuri Vezaj.

Në lidhje me rastin për Indeksonline e ka konfirmuar zëdhëndës polici për rajonin e Prizrenit, Shaqir Bytyqi.

“Sot me datë 27.12.2024 , rreth orës 11:10 policia është informuar se një person është gjet i varur ne fshatin Zhur, dyshohet se i njejti ka bërë vetvrasje, viktima është femër rreth 27 vjeçare. Posa është marr imformata patrolla policore ka shkuar ne vendngjarje. Patrolla policore ka siguruar vendin  e ngjarjes dhe janë njoftuar ekipet e hetimeve dhe krim teknika të cilët kane dale në vendngjarje. Ekipi i mjekësor i urgjencës  ka konstatuar vdekjen e viktimës”, ka thënë Bytyqi.

Ndërsa ka bërë të ditur se rasti është duke u hetuar nga organet kompetente.

“Prokurori i shtetit është njoftuar në lidhje me rasti dhe në urdhër me të njëjtit trupi i pajetë i viktimës dërgohet për obduksion. Ekipi i hetimeve të Sektorit Rajonal të Hetimeve e ka marre në hetim’, tha Bytyqi./Indeksonline/