Kjo është renditja e 93 subjekteve garuese në zgjedhjet e 12 tetorit

Komisioni Qendror i Zgjedhjeve organizoi ceremoninë e tërheqjes së shortit për renditjen e 93 subjekteve politike të certifikuara në fletëvotimet e Zgjedhjeve Lokale për Kryetarë të Komunave dhe për Kuvende Komunale, të cilat do të mbahen më 12 tetor 2025.

Në fllim, kryesuesi i KQZ-së, Kreshnik Radoniqi tha se ngjarja e sotme ka edhe simbolikën e vet, pasi është tregues se kemi hyrë pothuajse në fazën përfundimtare të procesit zgjedhor, për të cilën, KQZ ka filluar përgatitjet intensive nga mesi i muajit qershor.

“Sot ndodhemi në një fazë të rëndësishme të procesit zgjedhor, sepse pas tërheqjes së shortit, KQZ do të miratojë dizajnin dhe përmbajtjen e fletëvotimeve, për të mundësuar nga 17 shtatori fillimin e votimit me postë për mbi 46 mijë votuesit jashtë Kosovës. Gjithashtu, aktiviteti i sotëm i hap rrugën 93 subjekteve politike dhe mijëra kandidatëve të tyre që nga 13 shtatori të fillojnë zyrtarisht fushatën zgjedhore”, tha Radoniqi.

Më tej, në emër të KQZ-së, Radoniqi u bëri thirrje subjekteve politike hdek kandidatëve të angazhohen për një proces zgjedhor duke respektuar ligjet dhe rregullat zgjedhore në fuqi.

“Zgjedhjet nuk janë vetëm një garë për pushtet, por edhe një test i rëndësishëm për demokracinë në vendin tonë. Andaj, vlerësoj se secili prej nesh ka përgjegjësi për mbarëvajtjen e këtij procesi”, tha Radoniqi.

Tërheqja e shortit u bë nga përfaqësuesit e subjekteve politike që janë certifikuar nga Komisioni Qendror i Zgjedhjeve për pjesëmarrje në këto zgjedhje. Gjithashtu, tërheqja e shortit u bë në kushte të barabarta për të gjitha subjektet politike të certifikuara dhe në një proces transparent.

Për pjesëmarrje në Zgjedhjet Lokale për Kryetarë të Komunave dhe për Kuvende Komnale, të cilat do të mbahen më 12 tetor 2025, janë certifikuar: 93 sbjekte politike, prej të cilave: 32 parti politike; 2 koalicione; 32 iniciativa qytetare dhe 27 kandidatë të pavarur.

Renditja e subjekteve politike në fletëvotime do të jetë si në vijim: