Klopp thyen heshtjen, tregon se a do të largohet Firmino nga Liverpooli

Jurgen Klopp ka pranuar se goli i Roberto Firminos në mposhtjen e theksuar 7-0 të Liverpool ndaj Manchester United ishte ‘momenti më i veçantë’ pasi theu heshtjen e tij për vendimin e brazilianit për t’u larguar nga klubi.

Në fillim të kësaj jave u zbulua se 31-vjeçari do të largohet nga Reds në fund të kontratës së tij këtë verë.

Firmino shënoi golin e shtatë dhe të fundit të Liverpool-it kundër United në një fitore mahnitëse, pas goditjeve nga Cody Gakpo, Darwin Nunez dhe Mohamed Salah. Goditja e tij fitoi brohoritjen më të madhe të natës, me turmën e Anfield duke i kënduar këngën e tij, ‘Si Senor’, gjatë gjithë lojës.

Duke folur pas fishkëllimës së fundit, Klopp pranoi se nuk ishte një vendim i lehtë për Firmino që të largohej nga klubi .

“Bobby sonte ishte momenti më i veçantë”, u tha ai gazetarëve. “Nuk ishte një vendim i lehtë për të. Pritja që ai mori ishte absolutisht e jashtëzakonshme.

Me gjithë golat e mrekullueshëm që ai shënoi, ky është goli që ai e donte më shumë’’, tha Klopp. /IndeksOnline/