Klopp tregon a do ta transferoj Liverpuli Bellinghamin
Tanimë nuk është sekret interesimi serioz i Liverpoolit në mesfushorin e Borussia Dortmundit, Jude Bellingham.
Gjiganti anglez dëshiron me çdo kusht të bëjë përforcime në skuadër, dhe reparti i mesfushës është ai i cili Liverpooli po çalon, raporton KosovaPress.
Jude Bellingham është objektivi kryesorë i Liverpoolit, por që si opsion janë edhe Enzo Fernandez e Sofyan Amrabat.
Raportohet se Liverpooli e dëshiron me çdo kusht Bellinghamin, ndërsa i pyetur nëse ylli anglez mund të transferohet këtë janar në “Anfield Road”, Jurgen Klopp u përgjigj kështu:
“Jam personi i gabuar për tu pyetur nëse Jude mund të transferohet në janar. Merkatoja e janarit? Ne jemi duke shikuar dhe nëse ndodh diçka, do të shohim. Nga aspekti sportiv, ne jemi gjithmonë të përgatitur”, tha Klopp.