Klubi nga Bundesliga në zi, i ngordh dhia!
Skuadra e njohur gjermane, FC Koln përmes rrjeteve sociale ka njoftuar tifozët e saj se në moshë 14-vjeçare ka ngordhur dhia Hennes Vlll.
“Ne vajtojmë për Hennes Vlll. Dhia jonë e dashur. Duhej të hiqej për arsyeje shëndetësore. Ai ishte 14-vjeç. Pusho në paqe”, shkruhet në njoftimin e klubit.
Hennes, dhia e famshme e klubit gjerman kishte dalë në pension për shkak të arsyeve shëndetësore gjatë vitit 2019.
Vendin e tij tashmë e ka zënë Hennes IX.
Kujtojmë që dhia është simbol dhe paraqitet edhe në logon e klubit të FC Koln./IndeksOnline/