Kompania ajrore ‘Germania’ tejkalon me sukses nevojat per financa shtesë!

Ditë më parë u raportua se linja ajrore gjermane ‘Germania’, që njihet si kompania e dytë më e madhe në vend, ka nevojë për para.

Mirëpo, këtë problem, sot kompania ka njoftuar se tanimë e ka tejkaluar dhe se ka gjetur një zgjidhje për nevoja afatshkurta, transmeton Indeksonline.

Përmes një komunikate për media, drejtori menaxhues i ‘Germania’-s, Karsten Balke ka bërë të ditur se tanimë ka marr një lajm të rëndësishëm sa i përket përpjekjeve të financimit.

“Sot kemi marrë një lajm të rëndësishëm në lidhje me përpjekjet tona të financimit. Në përgjithësi, mbështetja shkon përtej sasisë së synuar prej 15 milionë eurosh. Fondet do të rrjedhin tek ne javën e ardhshme”, ka thënë Balke.

Në komunikatë thuhet se kjo shumë siguron perspektivën afatmesme dhe afatgjatë të Gjermanisë si një linjë ajrore e pavarur e mesme.

“Situata e rezervimit është e mirë, shifrat e rezervimit paraprak për muajt e ardhshëm dhe gjithë kalendarin e verës 2019 janë mbi nivelin e vitit të kaluar. Pasagjerët, furnizuesit dhe partnerët kontraktues mund të vazhdojnë të mbështeten në efikasitetin e Germania Fluggesellschaft. Zhvillimet strategjike dhe strukturore tashmë të filluara në të kaluarën do të intensifikohen, optimizohen ose nëse është e nevojshme do të bëhet edhe korrigjimi i Gjermanisë”, thuhet tutje në komunikatë.

Karsten Balke falendëroi partnerët e kompanisë për besimin e mbështetjen e dhënë, sidomos ditëve të fundit.

“Në këtë fazë të pasigurisë, ekipi ynë ka arritur të sigurojë operacionet e fluturimit pa ndonjë përçarje dhe të kryejë të gjitha fluturimet në orar. Jam krenar për punonjësit tanë, dhe falënderimet e mia të veçanta shkojnë tek ata”, përfundon komunikata.

Kjo kompani vazhdon kështu fuqishëm me projektet e saj përfshirë zgjerimin e hovshëm në Aeroportin “Adem Jashari” /Indeksonline/