Komuna e Lipjanit lëshon parkingun e komunës për mërgimtarë

Për festën e ndërrimit të moteve shumë mërgimtarë kanë ardhur në vendlindje për ta pritur Vitin e Ri pranë familjarëve.

Në shenjë respekti për ta, Komuna e Lipjanit ka lëshuar parkingun e komunës për ta, përcjellë Indeksonline.

Kjo është bërë e ditur në faqen zyrtare të komunës, ku thuhet se me propozim të kryetarit, Imri Ahmeti nga sot u lejohet mërgimtarëve hyrja dhe parkimi i veturve në oborrin e komunës me automjete private që janë me tabela të huaja.

Ky është njoftimi i plotë:

Me propozimin e Kryetarit të Komunës së Lipjanit, Imri Ahmeti dhe me vendim të bordit të drejtorëve nga sot u lejohet të gjithë mërgimtarëve hyrja dhe parkimi i veturave në oborrin e komunës me automjete private që janë me tabela të huaja.

Komuna e Lipjanit tashmë ka hapësirën e nevojshme për ti parkuar veturat të gjithë mërgimtarët të cilët kanë nevojë.