Komunë e Mitrovicës ekzekuton pagesat për familjet e prekura nga vërshimet e fundit

Kryetari i Komunës së Mitrovicës, Bedri Hamza ka bëre të ditur se pagesat për familjet e prekura nga vërshimet e fundit në Kosovë janë ekzekutuar.

Hamza theksoj se janë ndarë nga 2500 euro për familje.

Ai ka shkruar se Komuna e Mitrovicës ka ndarë gjysmë milioni euro për këto familje.

Postimi i plotë:

Të dashur qytetarë,

Para pak kohësh, Mitrovica jonë ka përjetuar një situatë të jashtëzakonshme nga vërshimet që kanë shkaktuar dëme të mëdha ekonomike në shumë pjesë të qytetit.

Komuna e Mitrovicës ka ndarë gjysmë milioni euro për kompenzimin e këtyre dëmeve.

Sot, dua të ju informoj se pagesat prej 2500 eurove për familje janë ekzekutuar dhe qytetarët e prekur nga vërshimet, ato mjete, do t’i kenë në llogaritë bankare përkatëse të tyre.