Konflikti në Liban zhvendos mbi 1 milion njerëz, OKB-ja kërkon ndihmë nga ndërkombëtarët

Janë zhvendosur në Liban mbi një milion njerëz si pasojë e përshkallëzimit të konfliktit, ndërsa OKB-ja bën thirrje për mbështetje të menjëhershme ndërkombëtare.

Kreu i agjencisë së OKB-së për refugjatët, Barham Salih, e cilësoi situatën si “të paprecedent”, duke theksuar se një e pesta e popullsisë libaneze është detyruar të largohet nga shtëpitë e tyre.

Pas një takimi me kryeministrin Nawaf Salam, ai u shpreh se Libani nuk duhet të mbetet në një cikël të vazhdueshëm dhune, por meriton stabilitet dhe ndihmë konkrete.

Sipas Ministrisë së Shëndetësisë në Liban, më shumë se 2,100 persona janë vrarë nga sulmet izraelite që prej 2 marsit.

Nga ana tjetër, Izraeli deklaron se operacionet kanë si qëllim dobësimin e Hezbollahut, i mbështetur nga Irani, dhe mbrojtjen e qytetarëve të tij nga sulmet ndërkufitare, përfshirë raketat.