Kontrolle me dronë në Lezhë, asgjësohen nëpërmjet djegies 500 bimë narkotike

Vijon megaoperacioni policor antikanabis i koduar “Imazhi”. Mësohet se janë asgjësuar nëpërmjet djegies, 500 bimë narkotike cannabis sativa që u gjetën të kultivuara në tokë, në fshatin Kashnjet.

Gjatë fazave të mëparshme të këtij megaoperacioni, në zona të ndryshme të qarkut Lezhë, janë asgjësuar në total, 16 073 bimë narkotike cannabis sativa.

Njoftimi i Policisë:

Finalizohet faza e 12-të e këtij megaoperacioni, si rezultat i kontrolleve në zona të pyllëzuara, në terrene të vështira malore, me shërbime nga toka dhe me dronë.

Asgjësohen nëpërmjet djegies, 500 bimë narkotike cannabis sativa që u gjetën të kultivuara në tokë, në fshatin Kashnjet.

Gjatë fazave të mëparshme të këtij megaoperacioni, në zona të ndryshme të qarkut Lezhë, janë asgjësuar në total, 16 073 bimë narkotike cannabis sativa.

Shërbime të Policisë së Lezhës, të pajisura me dronë, kanë vijuar kontrollet intensive në terren dhe nga ajri, me prioritet zonat e thella malore, me risk përsa i përket kultivimit të bimëve narkotike, në zbatim të planit operacional mbarëkombëtar, me fokus parandalimin, konstatimin dhe goditjen e kësaj veprimtarie kriminale.

Nga këto kontrolle u finalizua faza e 12-të e megaoperacionit policor të koduar “Imazhi”, si rezultat i së cilës, në fshatin Kashnjet, njësia administrative Ungrej, Lezhë, në një pronë publike, u gjetën të kultivuara në tokë, 500 bimë narkotike cannabis sativa, të cilat u asgjësuan nëpërmjet djegies.

Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale./abcnews.al