Koreja e Veriut vendos të deportojë ushtarin amerikan që kaloi kufirin

Koreja e Veriut ka deklaruar se do të deportojë ushtarin amerikan Travis King, i cili kaloi kufirin gjatë një turneu në korrik. Pheniani do ta deportojë pasi të ketë përfunduar hetimet për hyrjen “ilegale”.

Lirimi i tij vjen një muaj pasi Koreja e Veriut pranoi se kishte arrestuar 23-vjeçarin.

Sipas KCNA, ai rrëfeu se kishte kaluar ilegalisht në Korenë e Veriut “për shkak të trajtimit çnjerëzor në ushtrinë amerikane, antipatisë ndaj racizmit dhe zhgënjimit me shoqërinë e pabarabartë amerikane”.

Ai kishte vuajtur më parë dy muaj në një paraburgim në Korenë e Jugut me akuza për sulm para se të lirohej më 10 korrik./abcnews.al/