Koronavirusi në Kosovë: 3 persona në gjendje të rëndë, 30 të tjerë po trajtohen

Në Klinikën Infektive të QKUK-së, gjenden të shtrirë 23 persona të prekur me koronavirusin, ndërsa tre pacientë janë në gjendje të rëndë shëndetësore.

Kështu ka bërë të ditur për Telegrafin, infektologu i Klinikës Infektive, Valbon Krasniq.

“Në Klinikën Infektive janë të shtrirë 23 pacientë me koronavirusin, 15 prej tyre janë në gjendje stabile, pesë janë më oksigjenoterapi, ndërsa tre pacientë në gjendje të rëndë, kujdes intensiv”, tha ai.

Krasniqi u bëri apel qytetarëve të vazhdojnë masat mbrojtëse ndaj COVID-19, të mos dalin nga shtëpia pa maska dhe të shmangin tubimet me shumë njerëz.

Deri tani në vendin tonë me koronavirusin kanë rezultuar 1 mijë e 263 persona, 912 prej personave të infektuar janë shëruar, ndërsa janë regjistruar edhe 31 raste të vdekjes, të cilët kanë pasur sëmundje të tjera shoqëruese.

Ndryshe, Ministria e Shëndetësisë ka marrë vendime të reja rreth pandemisë COVID-19, ku ka hequr kufizimin e lëvizjes si edhe ka vendosur rregulla të reja për qytetarët që kthehen në Kosovë.