10:18 / E Premte, 14 Dhjetor 2018

Kosnett: Siguria e një shteti varet nga kualiteti i marrëdhënieve të sigurisë

Ambasadori amerikan në Kosovë, Philip Kosnett ka thënë se siguria e një shteti varet nga kualiteti i marrëdhënieve të sigurisë dhe lidhjeve paqësore dhe fqinjët.

Ai i ka bërë këto komente përmes një postimi në Twitter, pak para se të fillojë seanca e Kuvendit të Kosovës, në të cilën pritet të miratohen tri projektligjet që do të transformojnë Forcën e Sigurisë së Kosovës në kapacitete ushtarake.

“Teksa Kuvendi vepron sot, le të rikujtojmë se siguria e një vendi varet nga cilësia e marrëdhënieve të tij të sigurisë, marrëdhëniet paqësore dhe bashkërisht të dobishme me fqinjët e saj, por edhe nga forca dhe profesionalizmi i forcave të saj të armatosura”, ka thënë Kosnett.