Kosova s’ka shpenzuar asnjë cent nga arka e shtetit për pandeminë, ja kush janë donatorët

Ministri i Shëndetësisë, Armend Zemaj, ka thënë se deri tani nuk ka shpenzuar asnjë cent nga arka e shtetit për të menaxhuar pandeminë.

Zemaj ka thënë se ky rrugëtim deri tani është financuar nga donatorët.

Ministri ka përmendur edhe disa nga donatorët kryesorë, të cilët i ka quajtur si miq të mirë, në ditë të vështirë.

“Se Kosova është më mirë se vendet e rajonit, madje edhe më mirë se vendet me sistem shëndetësor më të avansuar, sa i përket menaxhimit të pandemisë, ua thash edhe donatorëve dhe partnerëve ndërkombëtarë në takimin e rregullt javor, të mbajtur në mënyrë virtuale.

Kosova dhe Ministria e Shëndetësisë janë me fat që ka partnerë ndërkombtëtarë që po ndihmojnë vendin tonë në luftë kundër Covidit-19.
Mora konfimimin që bashkëkupunimi i ndërsjellë dhe ndihmat në format ndryshe, nga donatorët, do të vazhdojnë.

Që nga marrja e mandatit si ministër i Shëndetësisë, nuk kam shpenzuar asnjë cent nga arka e shteti sa i përket menaxhimit të pandemisë, e gjithë ky rrugëtim është bërë me ndihmën e donatorëve.
Donatorët që po ofrojnë ndihmë shumë të çmuar në këtë kohë të pandemisë, janë shtetet si: SHBA, Japonia, Luksemburgu, Gjermania, Austria, Zvicra, Norvegjia, Turqia, Jordania, Katari, Zyra e Bashkimit Evropian, Agjencia e Kombeve të Bashkuara (OBSH, UNICEF, UNDP, Banka Botërore). Miku i mirë në ditë të vështirë.
Faleminderit, jemi mirënjohës përgjithmonë!”, shkruan Zemaj në njoftim./Indeksonline/