Kosova reagon pasi Rusia futi ushtrinë në dy rajonet rebele të Ukrainës
Ministria e Punëve të Jashtme të Kosovës ka reaguar pasi Rusia mbrëmë vonë i ka futur forcat e saj në Donetsk dhe Luhansk, dy rajonet rebele në Ukrainën lindore, të cilat paraprakisht presidenti rus Vladimir Putin i njohu si të pavarura.
Në reagimin e ministrisë në Twitter bëhet e ditur se Kosova qëndron me Ukrainën kundër agresionit të drejtpërdrejtë të Rusisë, raporton Indeksonline.
“Kosova qëndron me Ukrainën kundër agresionit të drejtpërdrejtë të Rusisë. Putini po bën edhe një herë luftë kundër një demokracie paqësore. Ai ka bërë luftëra hibride kundër demokracive në gjithë Evropën për shumë vjet. Bota e lirë duhet t’i përgjigjet me vendosmëri Putinit dhe përfaqësuesve të tij”, thuhet në reagim.
Kosova 🇽🇰 stands with Ukraine 🇺🇦 against Russia’s outright aggression. Putin is once again waging war against a peaceful democracy. He has been waging hybrid wars against democracies across Europe for many years. The free world must respond to Putin and his proxies with resolve.
— MFA Kosova 🇽🇰 (@MFAKOSOVO) February 22, 2022
Kujtojmë që mbrëmë Putin ka nënshkruar një dekret për të njohur Donetzkun dhe Luhanksun si shtete të pavarura./Indeksonline/