Kosovarët meraklinj të mëdhenj të armëve, brenda javës policia sekuestroi 12 sosh në Prishtinë (Foto)

Nga zyrtarët policor të rajonit Prishtinës, gjatë javës së kaluar në lokacione të ndryshme e aksione të ndara, janë realizuar 185 urdhëresa të gjykatës, prej tyre 59 urdhëresa për vepra penale, ndërsa të tjerat për kundërvajtje, seanca, verifikime etj.

Konform urdhëresave, pas përfundimit të procedurave policore,  personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi ata kanë kryer obligimet e caktuara në urdhëresa.

 ​Ndërkohë që aktivitetet policore janë shtrirë  edhe në segmente të tjera të sigurisë. 

Gjatë periudhës së njëjtë, janë sekuestruar 12 armë zjarri, të llojeve dhe kalibrave të ndryshëm.

Po ashtu kanë vazhduar edhe aktivitetet policore  në fushën e sigurisë në trafikun rrugor.

Në po të njëjtën periudhë kohore, kanë rezultuar me shqiptimin e 3387 masave administrative me gjobë për lloje të ndryshme të kundërvajtjeve dhe shkeljeve të kodit rrugor.