Kosovari i shpallur në kërkim nga Bosnjë e Hercegovina, arrestohet në Kukës

Policia e Kukësit në bashkëpunim me Interpol Tirana, ka arrestuar një shtetas të Kosovës, i cili është shpallur në kërkim ndërkombëtar nga autoritetet e Bosnjë e Hercegovinës.
“Shtetasi A. K. u ndalua në hyrje të pikës së kalimit kufitar të Morinës, pasi gjatë përpunimit dhe verifikimit të të dhënave në sistem rezultoi person në kërkim ndërkombëtar nga Interpol Sarajevo, Bosnjë e Hercegovina“, njofton policia.
Arrestimi provizor i 39-vjeçarit, me qëllim ekstradimi.
“NCB Sarajevo, Bosnjë e Hercegovinë, ka lëshuar urdhër-arrestin për këtë shtetas, për veprën penale: “Ryshfet-korrupsion”, parashikuar nga Kodi Penal i Bosnjë e Hercegovinës”, vijon njoftimi i policisë në Kukës.