KQZ-ja jep udhëzime për plotësimin e fletëvotimit në zgjedhjet e 7 qershorit

Komisioni Qendror i Zgjedhjeve (KQZ) ka publikuar udhëzimet për procesin zgjedhor, në kuadër të zgjedhjeve të parakohshme që do të mbahen, më 7 qershor.

KQZ-ja ka bërë të ditur mënyrën se si qytetarët duhet të plotësojnë fletëvotimin ditën e zgjedhjeve.

“Si të plotësoni fletëvotimin:

• Sigurohuni që fletëvotimi është i vulosur në pjesën e pasme
• Në anën e majtë, shënjoni vetëm një subjekt politik
• Në anën e djathtë, shënjoni deri në dhjetë kandidatë të atij subjekti politik
• Palosejeni fletëvotimin dhe vendoseni në kutinë e votimi”, bën të ditur KQZ-ja.