KQZ-ja publikon udhëzimet për votim me asistencë

Komisioni Qendror i Zgjedhjeve ka publikuar udhëzimet se si të votohet me asistencë, në raundin e dytë të zgjedhjeve lokale.

Nëpërmjet udhëzimeve, KQZ-ja bën me dije se votuesit me nevoja të veçanta mund të votojnë me ndihmën e një personi tjetër, teksa aftësia e kufizuar dëshmohet përmes dokumenteve përkatëse, të cilat votuesit duhet t’i posedojnë në ditën e votimit.

Asistuesi i votuesit duhe të jetë i moshës 18 vjeç dhe të ketë me vete një nga dokumentet e identifikimit, të Republikës së Kosovës, shkruan IndeksOnline.

Asistuesi mund të ndihmojë votuesin duke i mbajtur dorën për të shënuar në fletëvotim, si dhe të shkruajë emrin e votuesit në Listën e Votuesve, në rast se votuesi nuk mund të nënshkruajë.

Kujtojmë se raundi i dytë i zgjedhjeve lokale mbahet këtë të diel, më 9 nëntor.