KQZ nuk publikon ende as rezultatet preliminare nga zgjedhjet në katër komunat veriore!
Ka më shumë se katër orë prej kur ka përfunduar votimi në katër komunat veriore, Mitrovicë e Veriut, Zveçan, Zubin Potok dhe Leposaviç.
Pavarësisht kësaj që nga përfundimi Komisioni Qendror Zgjedhor pati vetëm një paraqitje para mediave, edhe atë për të deklaruar se janë mbyllur të gjithë qendrat e votimit dhe se procesi ka ecur në mënyrë të rregullt.
Edhe pse ora shënon gati 00:00, KQZ ende nuk ka publikuar as rezultatet preliminare, shkruan Indeksonline.
Konferenca për media u paralajmërua disa herë e njëra prej tyre parashihej të mbahej në ora 22:45, gjë që nuk ndodhi.
Nuk dihet se pse KQZ ende nuk publikoi asnjë rezultat të zgjedhjeve të sotme në katër komunat veriore, por që rezultatet e vetme që u publikuan deri më tani janë nga Demokracia në Veprim.
Sipas tyre rezultatet preliminare ishin kësisoj:
Mitrovicë e Veriut:
Lista Serbe, Goran Rakiç (95.2%)
Partia Demokratike e Kosovës, Gonxhe Çaushi (3.1%)
Lëvizja Vetëvendosje, Erden Atiq (1.6%) Zubin Potok:
Lista Serbe, Srdjan Vulovic (94.1%)
Partia Demokratike e Kosovës, Hysen Mehmeti (3.1%)
Lëvizja Vetëvendosje, Liridona Kahrimani (2.8%)
Leposaviq:
Lista Serbe, Zoran Todiç (96.4%)
Partia Demokratike e Kosovës, Shaqir Hetemi (2.1%)
Lëvizja Vetëvendosje, Fisnik Veseli (1.5%)Zveçan
Lista Serbe, Vucina Jankoviç (96.4%)
Lëvizja Vetëvendosje, Avdi Peci (2.2%)
Partia Demokratike e Kosovës, Ilir Peci (1.4%)