KQZ sot vendos për kandidatët për deputetë që kanë probleme me ligjin

Zgjedhjet e 14 shkurtit po afrohen, ndërkohë që Komisioni Qendror i Zgjedhjeve (KQZ) do të mbajë sot mbledhjen e radhës ku pritet të vendos për certifikimin e partive politike bashkë me listat e kandidatëve.

KQZ siç ka njoftuar mbrëmë Valdete Daka në një debat, sot do të vendos për fatin e kandidimit të 47 personave të cilët kanë probleme me ligjin.

Vendimi për certifikimin e tyre apo jo merret me shumicën e votave të anëtarëve të KQZ-së.

Periudha e ankesave dhe e vendosjes për to është paraparë të përmbyllet deri më 31 janar.