Krasniqi mbi debatin për shamitë: Qeveria t’i përmbushë premtimet e dhëna në zgjedhje

Hoxhë Shefqet Krasniqi ka thënë se pushteti aktual politik duhet të përmbushë premtimet e dhëna në zgjedhjet e kaluara dhe të shfuqizojë pjesën e udhëzimit administrativ lidhur me ndalimin e shamisë në shkolla.

Sipas tij, Kosova banohet nga një popullatë mbi 95 për qind myslimanë dhe kjo është e drejtë e cila nuk mund të cenohet e as të negociohet.

“Flitet e bëhet thirrje për të drejta të shtazëve, të drejta të grupeve të ndryshme të cilat nganjëherë 50 veta nuk i mbledhin në tërë Kosovën ndërsa heshtin për kërkesat e komunitetit më të madh në vend”.

“Ne kemi ngritur zërin që nga paslufta në vazhdimësi rreth kësaj çështje ashtu edhe siç kemi përkrahur të gjitha iniciativat rreth kësaj kërkese e sigurisht se e përkrahim edhe këtë iniciativë”.

“Zoti e ruajt këtë rini e drejtoftë bashkë me këtë qeveri, Amin!”.