Krasniqi: Raporti i Progresit gjerësisht negativ, si rrjedhojë e qeverisjes jokompetente të VV-së

Kryetarja e Komisioni për Integrim Evropian në Kuvendin e Kosovës, Rrezarta Krasniqi ka komentuar të gjeturat e Raportit të Progresit për Kosovën. Ajo ka thënë se raporti është gjerësisht negativ.

“Raporti është gjerësisht negativ si rrjedhojë e qeverisjes jokompetente të Vetëvendosjes me një Qeveri që për katër vite na armiqësoi me miqtë dhe partnerët tanë strategjik, e futi Kosovën nën masa të BE-së dhe nuk solli asnjë njohje. Në përgjigjësi, është shqetësues një numër kaq i madh i vërejtjeve serioze ndaj Qeverisë dhe shumicës parlamentare në Kuvend, e cila e ka përgjegjësinë politike.  Raporti ka gjetur se rekomandimet e raportit nga viti 2023 nuk janë zbatuar thujase në asnjë fushë. Më tutje, këshillat, sugjerimet e rekomandimet e Bashkimit Evropian nuk janë marrë parasysh për shumicën e ligjeve dhe politikave kyqe. Raporti ka vlerësuar se ka progres të limituar thujase në çdo fushë të qeverisjes”, ka shkruar Krasniqi në Facebook.

Postimi i plotë i Krasniqit:

Të dashur qytetarë,

Si Kryetare e Komisionit për Integrim Evropian në Kuvendin e Republikës së Kosovës, po i ndaj me ju disa vërejtje fillestare nga Raporti i Progresit për Kosovën i publikuar sot.

Raporti është gjerësisht negativ si rrjedhojë e qeverisjes jokompetente të Vetëvendosjes me një Qeveri që për katër vite na armiqësoi me miqtë dhe partnerët tanë strategjik, e futi Kosovën nën masa të BE-së dhe nuk solli asnjë njohje.

Në përgjigjësi, është shqetësues një numër kaq i madh i vërejtjeve serioze ndaj Qeverisë dhe shumicës parlamentare në Kuvend, e cila e ka përgjegjësinë politike.

Raporti ka gjetur se rekomandimet e raportit nga viti 2023 nuk janë zbatuar thujase në asnjë fushë.

Më tutje, këshillat, sugjerimet e rekomandimet e Bashkimit Evropian nuk janë marrë parasysh për shumicën e ligjeve dhe politikave kyqe.

Raporti ka vlerësuar se ka progres të limituar thujase në çdo fushë të qeverisjes.

Disa prej vërejtjeve tjera më specifike, janë:

Qeveria nuk ka arritur të ndërtojë dialog për të shtyrë agjendën e BE-së përpara, pra bëhet thirrje për një qasje kontruktive e pozitive

Pushteti ka rrezikuar reformat kryesore dhe nuk ka mbajt konsultime publike për këto reforma

Nuk janë realizu reformat për organizimin e administratës

Progres i kufizuar në reformën e sistemit të drejtësisë

Injorim i këshillave të fuqishme të BE-së dhe Komisionit të Venedikut rreth Ligjit për Këshillin Prokurorial dhe reforma tjera në fushën e drejtësisë

Progres i kufizuar në luftën kundër korrupsionit

Përpjekje nga Qeveria për të ushtruar kontroll mbi mediat

Injorim i rekomandimeve të BE-së dhe organizatave tjera ndërkombëtare për rregullatorin e mediave

Kërkesë urgjente me adresu pavarësinë dhe përgjegjësinë në Radio Televizionin Publik të Kosovës

Dobësi në menaxhimin e investimeve publike dhe mbikëqyrje e dobët e ndërmarrjeve publike

Sistemi i prokurimit i shoqëruar me parregullësi dhe i ekspozuar ndaj korrupsionit