15:31 / E Martë, 15 Shtator 2020

Krasniqi siguron bizneset se shqetësimet e tyre janë adresuar në kuadër të pakos për rimëkëmbje ekonomike

Ministri i Tregtisë dhe Indusitrisë, Vesel Kransiqi, ka pritur në takim drejtuesit e Odës së Afaristëve të Kosovës.

Ai ka bërë me dije se në këtë takim është biseduar për problemet e bizneseve në kohë pandemie, pakon e Qeverisë së Kosovës për rimëkëmbje ekonomike, problemet me Serbinë gjatë transportimit të mallrave si dhe vendimin për ndalimin e vajit të palmës.

“I njoftova që shumë prej kërkesave të tyre janë futur në kuadër të paketës për rimëkëmbje ekonomike e cila shumë shpejtë do të nisë së zbatuari”, ka shkruar ndër të tjera Krasniqi.

Postimi i plotë:

Problemet e bizneseve në kohë pandemie, pako e Qeverisë së Kosovës për rimëkëmbje ekonomike, problemet me Serbinë gjatë transportimit të mallrave dhe vendimi për ndalimin e vajit të palmës, ishin temat të cilat i kam diskutuar sot me drejtuesit e Odës së Afaristëve të Kosovës.

Si përfaqësues të bizneseve ata shprehen shqetësimet ku prezantuan edhe kërkesat dhe sugjerime në mënyrë që shteti t’i përkrah në veçanti në këtë kohë pandemie globale.

I njoftova që shumë prej kërkesave të tyre janë futur në kuadër të paketës për rimëkëmbje ekonomike e cila shumë shpejtë do të nisë së zbatuari. Sa i përket problemeve me transportin e mallrave nëpër Serbi, theksova se do të bëjë një reagim institucional për këtë çështje.

Për vendimin e fundit që ndalon përkohësisht importin e vajit të palmës ju shpjegova në detaje se përse është marrë ky vendim i cili gjithsesi është i përkohshëm por ka për qëllim që t’i mbron bizneset dhe prodhuesit e përgjegjshëm.

Mos i humb