Krasniqi takon në New York Alex Sorosin

Kryetari i Partisë Demokratike të Kosovës, Memli Krasniqi ka takuar Alex Sorosin gjatë vizitës së tij në ShBA.

Krasniqi ka thënë se kanë biseduar dhe shkëmbyer ide në lidhje me situatën aktuale në Kosovë dhe Ballkanin Perëndimor, në përgjithësi.

“Vizioni ynë i përbashkët është një Kosovë e fuqishme dhe një Ballkan Perëndimor stabil, i integruar plotësisht në Bashkimin Evropian. Alexin e falënderova për pritjen, idetë dhe kontributin e vazhdueshëm në nxitjen e bashkëpunimit rajonal në Ballkan”, ka shkruar ndër të tjera Krasniqi.

Postimi i plotë:

Pas përfundimit të vizitës në Ëashington DC, dje në Neë York, takova Alex Soros, djalin e filantropistit të madh amerikan, George Soros, njëherit zëvendëskryetar i Fondacionit Shoqëria e Hapur.

Alexi është ndjekës i vëmendshëm i zhvillimeve në Ballkan dhe kontribues shumëvjeçar i proceseve të ndryshme për zhvillimin e shteteve dhe shoqërisë civile aktive. Bashkë diskutuam dhe shkëmbyem ide në lidhje me situatën aktuale në Kosovë dhe Ballkanin Perëndimor, në përgjithësi.

Vizioni ynë i përbashkët është një Kosovë e fuqishme dhe një Ballkan Perëndimor stabil, i integruar plotësisht në Bashkimin Evropian. Alexin e falënderova për pritjen, idetë dhe kontributin e vazhdueshëm në nxitjen e bashkëpunimit rajonal në Ballkan.