KRU “Prishtina” paralajmëron aksion të shtuar kundër borxhlinjve dhe lidhjeve ilegale të ujit

Kompania Rajonale e Ujësjellësit “Prishtina” ka njoftuar se deri në fund të vitit 2025 do të vazhdojë aksioni për mbledhjen e borxheve nga konsumatorët që nuk kanë shlyer faturat për furnizim me ujë të pijshëm.

Nga kompania theksohet se këtë herë do të ketë një intensitet më të madh të ndëshkimeve, ndërsa paralajmërohet tolerancë zero për lidhjet ilegale në rrjetin e ujësjellësit.

“ Për lidhjet ilegale, të pa kompromis dhe 0 tolerancë. S’ka ujë të trajtuar, pa paguar faturat!”, thuhet në reagimin e KRU “Prishtina”.