Kryetari i Hani të Elezit me deklaratë për zgjedhjet e 6 tetorit, a do të përkrahë ndonjë parti?

Kryetari i Hanit të Elezit, Rufki Suma, ka dalë me një deklaratë me rastin e fillimit të fushatës zgjedhore.

“Si kryetar i Komunës së Hanit te Elezit, nuk do të mbështes asnjë subjekt politik në këto zgjedhje dhe ftojë qytetarët e Komunës së Hanit të Elezit që të zhvillojnë një fushatë të qetë e të ndershme pa fyerje, pa etiketime, pa shantazhime, me një fjalë të tregojmë një kulturë politike e qytetare”, ka shkruar ai.

Letra e plotë:

Të nderuar qytetarë,

Nga sot (25.09.2019) edhe zyrtarisht fillon fushata për zgjedhjet e parakohshme parlamentare të Republikës së Kosovës që do të mbahen me 6 Tetor 2019.

Në emërin tim personal dhe të komunës së Hanit te Elezit ftojë të gjithë qytetarët me të drejtë vote që me dt. 6 Tetor 2019 të dalin masivisht për të kryer obligimin e tyre qytetarë dhe të votojnë për kandidatët që mendojnë se janë më të mirët për të përfaqësuar popullin dhe për të qeverisur me Kosovën në katër vitet e ardhëshme.

Unë si kryetar i komunës së Hanit te Elezit, nuk do të mbështes asnjë subjekt politik në këto zgjedhje dhe ftojë qytetarët e komunës së Hanit të Elezit që të zhvillojnë një fushatë të qetë e të ndershme pa fyerje, pa etiketime, pa shantazhime, me një fjalë të tregojmë një kulturë politike e qytetare .

Të gjithë kandidatëve për deputet dhe subjekteve politike ju dëshirojë suksese në zgjedhjet e 6 Tetorit 2019