Kryetari i PDK-së në Vushtrri falënderon pjesëmarrësit në tubimin e sotëm madhështor

Partia Demokratike e Kosovës pati sot një tubim madhor në Vushtrri, ku u mblodhën strukturat dhe përkrahësit e këtij subjekti politik.

Kryetari i Degës së PDK-së në Vushtrri, Kurtan Kajtazi, falënderoi të gjithë pjesëmarrësit, duke thënë se ndjehet sa krenar aq edhe i motivuar për zgjedhjet e 9 shkurtit.

“Nga zemra ju falënderoj për organizimin e jashtëzakonshëm dhe pjesëmarrjen masive në tubimin tonë elektoral. Puna dhe angazhimi juaj i palodhur tregojnë edhe një herë se PDK-ja është forca më e madhe politike në vend dhe alternativa e vetme për ta çuar Kosovën përpara”, shkroi ai në Facebook.

Kajtazi shtoi se bashkë do të vazhdojnë të dëshmojnë se Kosova meriton më mirë.

Kujtojmë se në zgjedhjet e 9 shkurtit, Kajtazi bartë numrin 37 në listën e PDK-së.

Ky është postimi i plotë i tij:

Të nderuar kryetarë të nëndegëve, anëtarë të strukturave të Partisë Demokratike të Kosovës, të gjithë ju aktivistë të përkushtuar dhe qytetarë të Vushtrrisë,

Nga zemra ju falënderoj për organizimin e jashtëzakonshëm dhe pjesëmarrjen masive në tubimin tonë elektoral. Puna dhe angazhimi juaj i palodhur tregojnë edhe një herë se PDK-ja është forca më e madhe politike në vend dhe alternativa e vetme për ta çuar Kosovën përpara.

Bashkë, me përkushtim dhe energji, do të vazhdojmë ta dëshmojmë se Kosova e meriton më mirë!

Faleminderit secilit prej jush për kontributin dhe besimin!