Kufiri SHBA-Kanada vazhdon të jetë i mbyllur, deri më 21 gusht

Kryeministri i Kanadasë, Justin Trudeau, ka bërë të ditur se kufiri mes SHBA-së dhe Kanadasë do të vazhdojnë të jenë të mbyllur, për të gjitha udhëtimet jo të domosdoshme, me qëllim të parandalimit të përhapjes së koronavirusit të ri.

Trudeau ka bërë të ditur se deri më 21 gusht ky vendim do të jetë në fuqi, shkruan IndeksOnline.

 “Përditësimi në kufirin tonë: Udhëtimi jo thelbësor midis Kanadasë dhe SHBA mbetet i kufizuar.  Ndërsa ne vazhdojmë të luftojmë COVID-19, kemi rënë dakord të zgjasim masat aktuale kufitare edhe për 30 ditë – deri në 21 gusht – për t’i mbajtur njerëzit në të dy vendet tona të sigurt”, ka thënë ai./IndeksOnline/