10:03 / E Premte, 26 Tetor 2018 / indeksADMonline

Kujdes, paratë false rishfaqen në tri qytete

Rastet me para të falsifikuara janë shtuar kohët e fundit.

Në raportin e Policisë, pothuajse çdo ditë raportohet për falsifikim të parave të shumave të ndryshme.

Vetëm dje, kanë ndodhur tri raste kur qytetarët janë mashtruar me para të falsifikuar të cilat i kanë raportuar në Polici.

Në Prizren, një punonjëse e një banke ka informuar se ka pranuar një kartëmonedhë prej 50 eurove që dyshohet se është e falsifikuar. Monedha është konfiskuar dhe rasti është duke u hetuar.

Shumë të njëjtë, ka pranuar edhe një punëtor tjetër i një banke në Vushtrri. Ankuesi, punëtor i bankës ka raportuar se i dyshuari në bankomat kishte deponuar një kartëmonedhë prej 50 eurove që dyshohet se është e falsifikuar.
Pas lajmërimit të Policisë, monedha është konfiskuar dhe rasti është duke u hetuar.

Gjatë ditës së djeshme në Prishtinë, Policia ka arrestuar katër persona, pasi gjatë kontrollit në veturën e tyre janë gjetur dhe janë konfiskuar 2007 monedha metalike nga 5 franga dhe pesë monedha metalike nga dy euro që dyshohet të jenë të falsifikuara.

Me urdhër të prokurorit të dyshuarit janë dërguar në mbajtje./Indeksonline/

Temat: