Kur Radosavljeviç fotografohej para shtëpisë së Adem Jasharit

Goran Radosavljeviç, i njohur me nofkën “Guri”, i lindur në vitin 1957 në Arangjelovac të Serbisë, që me vendim të veçantë ishte dërguar në Kosovë për të shuar rezistencën e armatosur të UÇK-së në fillet e para të organizimit, po kërkohet tani nga kongresmenët amerikan që të arrestohet dhe të ekstradohet në ShBA si i dyshuar për vrasjen e vëllezërve Bytyqi.

Indeksonline kishte raportuar për këtë person një vit më parë ku i njëjti deklarohej dhe fotografohej pas maskarave dhe sulmeve serbe në Kosovë.

Në një foto ai shihet para shtëpisë së komandantit legjendar të UÇK-së, Adem Jashari në Prekaz të Drenicës ndërsa në një foto tjetër pas sulmit në Gllogjan të Dukagjinit me 24 mars të vitit 1998.

Krimineli Goran Radosavljeviç, është ai që kishte udhëhequr ekspeditat serbe kundër familjes Jashari, më 5, 6 dhe 7 mars 1998 në Prekaz, ku ra heroikisht komandanti Adem Jashari dhe u masakruan afër 60 anëtarë të familjes së tij.

Emri i Goran Radosavljeviçit figuron në shumë dokumente sekrete të Serbisë edhe si udhëheqës i masakrës së Reçakut më 15 janar 1998, ku u masakruan afër 50 shqiptarë të paarmatosur, por edhe si udhëheqës i shumë sulmeve në Rrafshin e Dukagjinit./Indeksonline/