Kurti e uron presidentin e Shqipërisë: Sfidat tona lehtësohen saherë bashkëpunojmë
Kryeministri i Republikës së Kosovës, Albin Kurti, ka uruar Bajram Begaj për postin e ri, si president i Shqipërisë, shkruan IndeksOnline.
Kurti tha sfidat tona si komb lehtësohen saherë që bashkëpunojnë.
Ai e ftoi Begaj që të angazhohen drejt synimeve për mirëqenie e liri dhe për orientimin evropian.
“E uroj presidentin e sapo zgjedhur të Shqipërisë, z. Bajram Begaj për përgjegjësinë dhe detyrën e re, si dhe popullin e qytetarët e Shqipërisë për presidentin e tyre të ri.
Sfidat me të cilat përballen republikat tonë dhe mbarë kombi lehtësohen atëherë dhe sa herë që punojmë bashkë. Andaj, le të angazhohemi e bashkërendohemi drejt synimeve tona për mirëqenie e liri, drejtësi e siguri, zhvillim e progres, gjithnjë në orientimin tonë të palëkundur evropian, perëndimor e demokratik”, shkroi Kurti./IndeksOnline/