Kurti fton presidentin e Kenias të hapë ambasadë në Prishtinë pas njohjes së Kosovës
Kenia ka njohur zyrtarisht Republikën e Kosovës, duke e bërë këtë një moment historik për vendin tonë, kështu ka deklaruar kryeministri Albin Kurti.
Përmes një postimi në rrjetin social X, Kurti ka bërë të ditur se ka biseduar me presidentin e Kenias, William Ruto.
“Pata kënaqësinë të flisja me Presidentin William Ruto pas këtij momenti historik. Ftuam njëri-tjetrin për vizita zyrtare dhe ramë dakord që hapi tjetër të jetë vendosja e marrëdhënieve diplomatike”, ka shkruar Kurti.
Ai ka shtuar se e ka ftuar Kenian të hapë një ambasadë në Prishtinë dhe ka theksuar rëndësinë e bashkëpunimit mes dy vendeve.
Today is a historic day for Kosova, as Kenya has officially recognized our republic. I had the pleasure of speaking with President William Ruto following this milestone. We invited each other for official visits and agreed that the next step should be establishing diplomatic…
— Albin Kurti (@albinkurti) March 26, 2025
“Dy vendet tona ndajnë një histori sakrificash të mëdha për liri dhe pavarësi. Pres me padurim thellimin dhe zgjerimin e bashkëpunimit tonë në kulturë, tregti dhe investime”, ka përfunduar ai.
