Kurti mbërrin në Samitin e Procesit të Berlinit, pritet nga Cooper

Qeveria e Kosovës ka publikuar fotografi të kryeministrit në detyrë, Albin Kurti teksa është pritur para hyrjes në Samit të Procesit të Berlinit, nga Sekretarja e Shtetit për Punë të Jashtme të Mbretërisë së Bashkuar, Yvette Cooper.

“Kryeministri në detyrë i Republikës së Kosovës, Albin Kurti, mbërriti në Samitin e Procesit të Berlinit, i cili po mbahet në Londër, ku u prit para hyrjes në Samit nga Sekretarja e Shtetit për Punë të Jashtme të Mbretërisë së Bashkuar, Yvette Cooper”, thuhet në njoftimin e qeverisë.

Paraprakisht, kryeministri në detyrë, Albin Kurti, ishte pritur në takim nga Sekretarja e Shtetit për Punë të Jashtme të Mbretërisë së Bashkuar, Yvette Cooper.