Kurti: Ministri i ri i Shëndetësisë nuk do jetë nga VV

Kryeministri i Kosovës Albin Kurti, ka thënë se së shpejti do të emërohet ministri i ri i Shëndetësisë.

Ai tha se kjo është çështje ditësh, raporton Indeksonline.

Tutje, Kurti u shpreh se ministri i përzgjedhur nuk do të jetë pjesë e Vetëvendosjes,

“Është çështje ditësh deri në emërimin e ministrit të ri të Shëndetësisë i cili nuk do të jetë nga Vetëvendosja, por nga shëndetësia”, u shpreh ai në një intervistë në ATV.

Ndërsa sa i përket ministres aktuale të Shëndetësisë, Dafina Gexha Bunjaku, Kurti ka thënë që ajo ka bërë një punë të mirë deri tash.

“Bunjaku do të vazhdojë të jetë zëvendësministre”, tha Kurti.